Големоамериканските ам-биции и интереси од секогаш фрлале око на најпроклетото парче земја во Европа, Балканот. Унитарноста на Балканот и посебно на поранешните ју-републики претставувала трн во окото на секоја нова американска администрација. Обидувајќи се да ја променат геополитичката ситуација на овие простори, а преку нив и во цела Европа, тајните служби на САД поткрепени од официјалните власти во Белата куќа се обидуваат и со тој обид успеваат да ги наведат малите балкански нации на крвави судири врз чија несреќа ќе се гради идната западна политичка хистерија за продор кон истокот.

"Да му дадеме уште една шанса на мирот" - рекол македонскиот министер за одбрана, Владо Бучковски, кој се смета за умерен, што е еуфемизам за марионета на Вашингтон. Тој говорел на конференцијата за печат на деветти август за убиството на 10 македонски војници. Да беше тоа филм, би можел да се нарече "Босна III" или "Косово II", токму како и "Македонија". Купените медиуми на НСП ги повторуваат изреките на Стејт департментот. Наскоро на западната јавност & се соопштува и & се говори дека терористите кои Вашингтон ги обучил и финансирал се "национална ослободителна армија" или "национални востаници". Тие наводно се борат за "независност" или поголеми "права на малцинството". Кога локалната влада ќе одговори со воени средства на ужасните акти на насилство од страна на силеџиите кои ги обучил и создал Западот, таа влада, а не терористите, во западните платенички медиуми се прикажува како "неподобна" влада. Крајната цел на судирот на Балканот е таму да се испратат американски и други меѓународни трупи како "Мировници". Нивното присуство донесува уште едно парче геополитичка стратешка земја за НАТО, за сметка на Русија. А, истовремено дава и безбедност за идниот нафтовод од Црно Море до јадранските пристаништа. Буш ги турна САД подлабоко во балканската кал кон крајот на јуни 2001 година кога издал наредба околу 80 американски војници да одат и да ги спасат околу 320-те албански терористи во Арачиново (а нели во својата изборна кампања ветуваше повлекување на своите војници од Балканот). Американските трупи довеле 15 автобуси, три камиони, три амбулантни коли и 16 HUMVEES за операцијата во која албанските бунтовници се префлени во безбедното Косово кое е под окупација на НАТО.

Како Вилијам Вокер на Косово, така и специјалниот пратеник на Стејт департментот, Џејмс Пердју, е вашингтонски "Тројански коњ" во Македонија. Неговата работа и задача е да го одвлече вниманието и да создаде збрка. Но, многумина Македонци не паѓаат на тоа. Еве, на пример, порака упатена на сајтот од TIM на 24 јули 2001 година од Македонија чиј идентитет е познат, но чие име не го соопштуваме поради неговата безбедност: "Последните два дена беа ужасни. Албанците го зазедоа половина Тетово и 80 отсто на селата околу Тетово. Има значаен број мртви и ранети цивили кои ги бркаат од нивните домови. Што се однесува до Западот, сакам да речам само една работа. Пред два дена, пред очите на нашата војска "мировниците" (на албанските бунтовници) им исфрлија два контејнера со оружје. Следниот ден Шиптарите го нападнаа Тетово. Дали треба уште нешто да се каже!?". Оттука "најдобар начин на борба против меѓународниот тероризам е да се спасат терористите да можат да се борат за нас и друг пат" - ова е мисла на еден "западњак".

По усвојувањето на Рамковниот договор во Собранието на Република Македонија започнува процесот на препокривање на трагите на контроверзните личности од западно потекло. Но, пред тоа истите имаат тешка задача - како да го убедат населението да го прифати охридскиот Договор, како да ги натера пратениците да гласаат за него во законодавниот дом. На примерот за најмените новинарски пера и закупените радио и тв часови во СРЈ, по доаѓањето на новата власт, може да ни биде сосема јасна ситуацијата во Косово и кај нас во Македонија. Тотално миење на мозоците кое скапо ќе ги чини изведувачите од проста причина што ние кои живееме на Балканот покажавме дека најчесто и немаме мозоци. Сега се поставува прашањето: Што очекуваме добро да се случи на Балканот, особено во Македонија, кога доларот е господ за газдите од НСП, а преостанатата боранија треба да заврши на депонија? Како воопшто сметаме да го поразиме албанскиот тероризам кога не се ни обидовме да издејствуваме пред Советот за безбедност на ОН документ со кој тоа би било сторено? На сите мора да им стане јасно - вели Бабановски - дека терористичките акции на парамилитантните качачко-балистички банди под името УЧК, ОНА, АНА и слично, не се ништо друго, туку вооружени платени убијци од кланот на Меделин - Колумбија кои треба на ограбените маси да им го свртат вниманието од организираниот грабеж што го спроведуваа легитимните власти, тајно поттикнувани и помогнати од т.н. меѓународна заедница под која мора да се сфати организацијата за координирање на организациониот криминал на глобален план. За да се оствари транзиција во "арамиски капитализам", беше нужно да се примени мега-тероризам во глобални рамки. Што мислите, каква врска може да има тероризмот во РМ со настаните во Израел по Втората интифада на Палестинците? Искрено да ви речам, и јас не знаев - вели Бабановски - па ниту на крај на памет не ми одело дека уривањето на авионот TU 154 со три мотори, сопственост на компанијата Сибир Ерлајнс, кој од израелскиот аеродром "Бен Гурион" летал за сибирскиот град Новосибирск и во кој загинале 66 патници, од кои 51 беше Израелец и 11 членови на посадата, има некакви допирни точки со нашите измешани криминализирани политички состојби на Балканот каде за несреќа сме се нашле, не по наша вина.

Gore

Copyright © 2002 "МАКЕДОНСКО СОНЦЕ"