Храмот што деновиве го постетивме го носи неговото име. Тој е патрон на храмот на Македонската православна црква во Скопје "Св. Архангел Михаил".

Празникот што го слави една од најубавите цркви во градот започна со голема архиерејска богослужба. Храмот беше преполн од верници. Архиерејската литургија ја водеше Неговото Високопреосвештенство Европскиот владика митрополитот г. Горзад, кој заедно со бројното свештенство и ѓаконство ја ослужи светата богослужба. При крајот на службата, тој се произнесе со една убава беседа која зборуваше за значењето на овој жив светец, за неговата небесна слава кој како ангел го раководи животот и го одредува живеењето и смртта на самиот човек. "Св. Архангел Михаил" е доследен началник на Господовата небесна војска кој го прокламира животот и смртта.

Беседата на владиката токму беше во тој правец во кој се одвива тајната на животот се до оној час на смртта кога човекот на крајот напуштајќи го овој свет оди во оној, небесниот за кој се подготвува на земјата. Гревот е и почетен правец за да се победи злото, за да се очисти душата, за да се заслужи и да се застане пред Господовиот небесен царски престол.

Црквата и верниците со внимание ја слушаа беседата на истакнатиот Европски митрополит г.Горазд. Одвнатре и однадвор божијот храм беше претесен за верниците. Секој сакаше да му се помоли на овој преголем светец и да побара молитва од него за да му го чува здравјето и да му го продолжи животот. Хорот прекрсно пееше а веќе однадвор од црквата верниците примаа миропомазание, го бакнуваа крстот и зимаа света вода.

Во малата црквичка "Св. Кузман и Дамјан" се креваа славски колачи за здравје на верниците што го празнуваат овој светол духовен празник. Свештенството за време на тој чин беше мошне блажено и си ја вршеше својата света должност. Притоа, пркосниот старешина на храмот, отец Доцко Сиљаноски, се трудеше сите верски работи да бидат завршен. На тој начин овој прекрасен и убав есенски ден ја зголеми свеченоста и ја облагороди душата на верниците. Покрај црквата беше организиран еден мал панаѓур на кој се продаваа разни религиски предмети кои го надополнуваа амбиентот на овој духовен празник.